ঋগ্বেদসংহিতা — অষ্টক ৪, অধ্যায় ৪, পরিশিষ্টসূক্ত ১১
সূক্ত পরিচিতি:
হিরণ্যবর্ণাম্ ইতি পঞ্চদশর্চস্য সূক্তস্য আনন্দকর্দমশ্রীদ চিক্লীতেন্দিরা সুতা ঋষয়ঃ।
আদ্যাস্তিস্রোঃ অনুষ্টুভঃ, চতুর্থী বৃহতী, পঞ্চমী ষষ্ঠ্যৌ ত্রিষ্টুভৌ, ততো ঽষ্টা অনুষ্টুভঃ, অন্ত্যা প্রস্তারপঙ্ক্তিঃ।
শ্রীঃ দেবতা।
মূল স্তোত্র
১।
ওঁ || হিরণ্যবর্ণাং হরিণীং সুবর্ণরজতস্রজাম্।
চন্দ্রাং হিরণ্ময়ীং লক্ষ্মীং জাতবেদো মা আভাহ ||
২।
তাং মা আভাহ জাতবেদো লক্ষ্মীম্ অনপগামিনীম্।
যস্যাং হিরণ্যং বিন্দেয়ং গামশ্বং পুরুষান্ অহম্ ||
৩।
অশ্বপূর্বাং রথমধ্যাং হস্তিনাদপ্রবোধিনীম্।
শ্রিয়ং দেবীম্ উপহ্বয়ে শ্রীর্মা দেবী জুষতাম্ ||
৪।
কাং সো স্মিতাং হিরণ্যপ্রাকারাম্ আর্দ্রাং জ্বলন্তীং তৃপ্তাং তর্পয়ন্তীম্।
পদ্মে স্থিতাং পদ্মবর্ণাং তাম্ ইহোপহ্বয়ে শ্রিয়ম্ ||
৫।
চন্দ্রাং প্রভাসাং যশসা জ্বলন্তীং,
শ্রিয়ং লোকে দেবজুষ্টাম্ উদারাম্।
তাং পদ্মিনীম্ ইহ শরণমহং প্রপদ্যে,
অলক্ষ্মীর্মে নশ্যতাং ত্বাং বৃণে ||
৬।
আদিত্যবর্ণে তপসো অধিজাতো বনস্পতিস্তব বৃক্ষোথ বিল্বঃ।
তস্য ফলানি তপসা নুদন্তু,
মায়ান্ তরায়াশ্চ বাহ্যা অলক্ষ্মীঃ ||
৭।
উপৈতু মাং দেবসখঃ কীর্তিশ্চ মণিনা সহ।
প্রাদুর্ভূতো ঽস্মি রাষ্ট্রে ঽস্মিন্ কীর্তিমৃদ্ধিং দদাতু মে ||
৮।
ক্ষুত্পিপাসাম্-অলাং জ্যেষ্ঠাম্ অলক্ষ্মীম্ নাশয়াম্যহম্।
অভূতিম্-অসমৃদ্ধিং চ সর্বাং নির্নুদ মে গৃহাৎ ||
৯।
গন্ধদ্বারাং দুরাধর্ষাং নিত্যপুষ্পাং করীষিণীম্।
ঈশ্বরীং সর্বভূতানাং তামিহোপহ্বয়ে শ্রিয়ম্ ||
১০।
মনসঃ কামমাকূতিং বাচঃ সত্যম্ অশীমহি।
পশুনাং রূপমন্নস্য, ময়ি শ্রীঃ শ্রয়তাং যশঃ ||
১১।
কর্দমেন প্রজাভূতা ময়ি সংভব কর্দম।
শ্রিয়ং বাসয় মে কুলে মাতরং পদ্মমালিনীম্ ||
১২।
আপঃ সৃজন্তু স্নিগ্ধানি চিক্লীত বস মে গৃহে।
নি চ দেবীং মাতরং শ্রিয়ং বাসয় মে কুলে ||
১৩।
আর্দ্রাং পুষ্করিণীং পুষ্টিং পিংগলাং পদ্মমালিনীম্।
চন্দ্রাং হিরণ্ময়ীং লক্ষ্মীং জাতবেদো মা আভাহ ||
১৪।
আর্দ্রাং যঃ করিণীং যষ্টিং সুবর্ণাং হেমমালিনীম্।
সূর্যাং হিরণ্ময়ীং লক্ষ্মীং জাতবেদো মা আভাহ ||
১৫।
তাং মা আভাহ জাতবেদো লক্ষ্মীম্ অনপগামিনীম্।
যস্যাং হিরণ্যং প্রভূতং, গাবো দাস্যো ঽশ্বান্,
বিন্দেয়ং পুরুষান্ অহম্ ||
ফলশ্রুতি
১।
যঃ শুচিঃ প্রয়তো ভূত্বা জুহুযাদাজ্য মন্বহম্।
শ্রিয়ঃ পঞ্চদশর্চং চ, শ্রীকামঃ সৎততং জপেত্ ||
২।
পদ্মাননে, পদ্ম ঊরূ, পদ্মাক্ষী, পদ্মসংভবে।
ত্বং মাং ভজস্ব পদ্মাক্ষী, যেন সৌখ্যং লভাম্যহম্ ||
৩।
অশ্বদায়ী চ গোদায়ী, ধনদায়ী মহাধনে।
ধনং মে জুষতাং দেবি, সর্বকামান্ চ দেহি মে ||
৪।
পদ্মাননে, পদ্মবিপদ্মপত্রে, পদ্মপ্রিয়ে, পদ্মদলায়তাক্ষি।
বিশ্বপ্রিয়ে, বিষ্ণুমনো ঽনুকূলে, ত্বত্পাদপদ্মং ময়ি সংনিধৎস্ব ||
৫।
পুত্র পৌত্র, ধনং ধান্যং, হস্ত্যশ্বাদি গবে রথম্।
প্রজানাং ভবসি মাতা, আয়ুষ্মন্তং করোতু মাম্ ||
৬।
ধনমগ্নির্ ধনং বায়ুর্ ধনং সূর্যো ধনং বসুঃ।
ধনম্ ইন্দ্রো বৃহস্পতির্, বরুণং ধনমশ্নুতে ||
৭।
বৈনতেয়ঃ সোমং পিব, সোমং পিবতু বৃত্রহা।
সোমং ধনস্য সোমিনো, মহ্যং দদাতু সোমিনী ||
৮।
ন ক্রোধো, ন চ মাত্সর্যং, ন লোভো, নাশুভা মতিঃ।
ভবন্তি কৃতপুণ্যানাং, ভক্তানাং, শ্রীসূক্তং জপেত্ সদা ||
৯।
বর্ষন্তু তে বিভাবরী, দিবো অভ্রস্য বিদ্যুতঃ।
রোহন্তু সর্ববীজানি, ব্রহ্মদ্বিষো জহি ||
১০।
যা সা পদ্মাসন-স্থাঃ, বিপুল-কটিতটী, পদ্মপত্রায়তাক্ষী।
গম্ভীরাবর্ত-নাভিঃ, স্তনভর-নমিতা, শুভ্রবাস্ত্রোত্তরীয়া।
লক্ষ্মীর্ দিব্যৈঃ গজেন্দ্রৈঃ, মণিগণ-খচিতৈঃ, স্থাপিতা হেমকুম্ভৈঃ।
নিত্যং সা পদ্মহস্তা, মম বাসতু গৃহে, সর্বমাঙ্গল্য-যুক্তা ||
১১।
লক্ষ্মীং ক্ষীরসমুদ্র-রাজতনয়াং, শ্রীরঙ্গধামেশ্বরীং।
দাসীভূত-সমস্ত দেববনিতাং, লোকৈক দীপাঙ্কুরাম্।
শ্রীমৎ মন্দকটাক্ষ-লব্ধবিভব, ব্রহ্মেন্দ্র-গঙ্গাধরাং।
ত্বাং ত্রৈলোক্য-কুটুম্বিনীং, সরসিজাং, বন্দে মুকুন্দপ্রিয়াম্ ||
১২।
সিদ্ধলক্ষ্মী, মোক্ষলক্ষ্মী, জয়লক্ষ্মীঃ, সরস্বতী।
শ্রীলক্ষ্মীর্, বরলক্ষ্মীশ্চ, প্রসন্না ভব সর্বদা ||
১৩।
বরাংকুশৌ, পাশম্ অভীতিমুদ্রাং, করৈর্বহন্তীং কমলাসনস্থাম্।
বালার্ক-কোটিপ্রতিভাং, ত্রিনেত্রাং, ভজে ’হমাদ্যাং জগদীশ্বরীং তাম্ ||
Tags- What is the use of Sri Suktam?
Is Sri Suktam powerful?
How to chant Shree Suktam?
শ্রী সুক্তম এর ব্যবহার?
শ্রী সুক্তম কি শক্তিশালী?
0 মন্তব্যসমূহ